Autour des médias et de la technologie
- Publié le: 2022-01-02 23:02:04
- Autre
- Par Ayiti Event
Ayiti Event se yon medya an liy ki kreye nan lane 2017. Misyon nou se bay bourad nan valorizasyon kilti Ayisyèn nan nan kouvri ak reyalize diferan evènman sosyal ak kiltirèl.
Pou senkyèm anivèsè nou mwa sa a , 23 Janvye pou plis prezisyon, nou lanse yon inisyativ edikatif k ap dire 4 jou. L ap kòmanse 19 rive 23 Janvye 2022.
Nou te rive dakò sou yon inisyativ konsa pou kontribiye nan devlopman komin kafou an atravè yon fòmasyon pou 100 jenn sou diferan domèn ki lye ak nou tankou : redaksyon atik wèb, kreyasyon sit entènèt , grafik dizay , itilizasyon nouvo platfòm kominikasyon ak antreprenarya.
Jan sitiyasyon an ye la nan peyi a, sitou ak Matisan ki anpeche divès nan yo pousuiv lekòl inivèsite yo, nou te jije bon pou make anivèsè nou yon fason plis kontribyab kolektivman kote n ap aprann yo yon bagay k ap itil yo pandan moman kriz la.
Pou yon pi bon efikasite reyalizasyon inisyativ sila a , nou lanse yon avi, yon apèl oubyen yon kòlèk fon, si nou kapab rele l kon sa, pou ede nou reyalize fòmasyon yo pou jenn sa yo nan komin nan.
Nou tou pwofite tou lanse yon spesyal pwomosyon pou tout jenn ki gen yon biznis li ta renmen fè pwomosyon sou diferan platfòm nou yo ak yon rabè kote kòb sila a prale dwat nan inisyativ la. Se yon fason tou pou biznis sa a sipòte evènman an.
